It does not matter what the story says,
All that matters is how the story is said...

Beautiful imperfection...

The beautiful part about this imperfect world is that we are the ones trying to make it perfect!

The time is now, The moment is yours...
Aspire to inspire or simply expire!

Koi apna sa...

Boondein nayanon se chalakti hi nahi...
Kaise batayen unhe, Dard hume bhi hota hai...
Sapne toote, Apne Choote, Ek aansoo na bahaya...
Bekhabar hain woh us gam se, jab apna koi begana hota hai...

Ehsaas hota kash tujhe... Aye Dost...

Shayar ki jaan uski shayari me hoti hai,
Dost tujh par aaj ek sher nisaar karta hoon...

Kash tujhe ehsaas hota,
Teri dosti se kitna pyar karta hoon...

Mehfil ki talaash me bhatak jaata hoon toh,
Tere hi sahare ka intezaar karta hoon...

Bhid bhari duniya me tanha paata hoon khud ko toh,
Tere hi saath ka deedar karta hoon...

Kash tujhe ehsaas hota,
Teri dosti se kitna pyar karta hoon...

Aitbar karta hoon Teri dosti ka,
Aaj khule aam tujhse yeh izhaar karta hoon...

Kash tujhe ehsaas hota mere dost!
Teri dosti se kitna pyar karta hoon...

Woh tapadte rahe hamare shayari ka raaz jaanane ke liye,
Hum yunhi hasi me uski farmaish ko taalte rahe...
Kash khabar hoti unhe humare un jhakmo ki,
jinki numaish par hum inhe paalte rahe...

Kya jeete hain woh log jo sirf jeete hain,
Na Wajood, Na Nishan, koi junoon nahi hota...
Hazaaron Mukam haasil kar lete honge woh,
Magar neend me phir bhi sukoon nahi hota...

Yunhi unki duniya se door hote gaye,
Apne hi haathon majboor hote gaye,
Chale the unke sapno ka noor banne,
Humare hi haathon unke sapne choor hote gaye...

Its not about how it works... Its about how you make it work...

Some issues with yourself can lead to a hundred with others... Get yourself sorted first...